Lanka Morning

අධික වර්ෂාව සමඟ ජලාශ 12 ක වාන් දොරටු විවෘත කෙරේ..!!

අධික වර්ෂාව සමඟ ජලාශ 12 ක වාන් දොරටු විවෘත කෙරේ..!!

අධික වර්ෂාව සමඟ ජලාශ 12 ක වාන් දොරටු විවෘත කෙරේ..!!
November 24
12:43 2018

පවතින අධික වර්ෂාවත් සමග තබ්බෝව ඇතුළු ජලාශ 12 ක වාන් දොරටු තවදුරටත් විවෘත කර ඇති බව වාරිමාර්ග දෙපාර්තමේන්තුව පවසයි.

එහි අධ්‍යක්ෂ වසන්ත බණ්ඩාර පළුගස්වැව සඳහන් කළේ, වාරි මාර්ග දෙපාර්තමේන්තුව මගින් පාලනය කරන අනුරාධපුරය, හම්බන්තොට සහ මඩකලපුව දිස්ත්‍රික්කවල පිහිටි ජලාශවල වාන් දොරටු මෙලෙස විවෘත කර ඇති බවයි.

ඒ අනුව නුවරවැව, මහවිලච්චිය, රාජාංගනය, මහකනදරාව, බදගිරිය ජලාශවල වාන් දොරටු විවෘත කර ඇත.

දෙබරවැව, මව්ආර, මුරුතවෙල, තිස්ස වැව, වීරවිල, දැදුරුඔයේ වාන් දොරටු මේ වන විට විවෘත කර ඇති බව වසන්ත බණ්ඩාර පළුගස්වැව සඳහන් කළේ ය.

මෙම ජලාශවල පහළ ප්‍රදේශවල ජීවත්වන ජනතාවට බලපෑමක් නොවන ලෙස ජලාශවල වාන් දොරටු විවෘත කර ඇති බව ඔහු වැඩිදුරටත් පැවසුවේ ය.

මේ අතර අධික වර්ෂාවත් සමග ඊයේ රාත්‍රියේ නවලපිටිය හා හැටන් නගර ජලයෙන් යටවිය.

ඒ හේතුවෙන් වාහන ධාවනයට දැඩි බාධා ඇති විය.

එමෙන්ම බස්නාහිර මධ්‍යම සබරගමුව හා වයඹ පළාත්වලටත් ගාල්ල හා මාතර දිස්ත්‍රික්වලටත් අද දිනයේ මිලිමීටර් 100 ක තද වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment